Mi tan-op pan mi varanda an sumel di indoschri sumuok,
An mi taat fi wanda ef puo Mada Niecha naa chuok
Di wie kaaban manaksaid a go ina di skai
Mi taat fi wanda ef Mada Niecha tempricha naa frai.
Den Mi memba di iit a di son,
Dat a wen Mi nuo se Mada Niecha aat a ton.
Mada Niecha a tek iin wos dan kuok,
An Ja si, Mi a wanda a wen im aha kruok.
Wen i kom tu im, nof piipl no iivn kier
Bot a chuu dem no nuo se a nof tings wid wi im shier
Im uoshan, im sii; im eva swiit an jengkl kuul briiz, we kip konchriman at iiz.
im gi wi fuud,
im gi wi shelta,
im elp konchriman fi gruo-op aatiya
Mi lov wi Mada Niecha,
Mek wi tap chriit im laik wan anwaantid kriicha.
Andre Che Sherriah is a linguist and tutor.
The system, in which this Jamaican Creole poem is written, is attached for readers' reference.
